Forsøk og praktisk arbeid

Dyrk gulrøtter

Gulrot er ei søt grønnsak som kan brukast på veldig mange måtar. Ho veks under jorda og er rota til planten. Det er her ho tar opp vatn, men ho lagrar og næring i rota. Difor er gulrota så stor til å vera rot.

Unni Vik
Naturfagsenteret, UiO

Dyrke gulrot 2

Innramming av aktiviteten

Å ramme inn ein aktivitet betyr å førebu barna på aktiviteten som skal kome. Barna får eit større utbyte av ein aktivitet om ein snakkar om aktiviteten på førehand, det vert nytta bøker, musikk eller andre kunstuttrykk, eller at ein oppsøkjer relevante stader ute og inne.

I denne aktiviteten kan innramming vera å lese om det å dyrke i ulike bøker. Det finst bøker som handlar om bonden, og korleis korn, poteter og grønnsaker vert dyrka. Du kan og snakke om dyrking av gulrot når de lagar mat på kjøkkenet.

Gulrot kan sjå ut som gulrot du kjøper på butikken om ho får vekse utan hindringar rett ned i litt sandhaldig jord. Men det er veldig gøy å dra opp gulrøtter som har støtt på ein stein på vegen. Dei kan få skikkelig rare former. Gulrøtter kan ein så i mjølkekartongar veldig tidleg om våren. Ein treng ikkje ein gong å vente til snøen er borte eller til frosten er har forsvunne.

Gulrot

Gulrot vert dyrka frå frø, og frøa er ganske små. Sjølve gulrøtene tar stor plass i mjølkekartongen. Difor held det å plante 10-15 frø i ein kartong. Så dei med litt avstand til kvarande, så får kvar gulrot litt plass rundt seg. Sår ein tettare, går det og fint, då kan ein luke ut (og ete) dei minste gulrøttene etterkvart og la nokre få vekse seg store. Mjøkekartongane med gulrotfrø kan setjast ut med ein gong ein har sådd i dei. Hugs å skjer små hol nær botnen for drenering slik at det ikkje blir for vått i mjølkekartongen. Ein kan setje mjølkekartongane i plastkassar ute. Det blir til eit drivhus. Når det nærmar seg sommar, kan ein kutte av botnen av mjølkekartongen og setje heile kartongen i jorda. Då kan gulrøttene forsetje med å vekse seg store nedover, og når dei skal hausast, kan du dra opp ein heil bunt!

Dyrke gulrot 3

Det er vanlegast at gulrøtene er orange, men det finst sortar med fargar frå lilla til gule! Kanskje går det å prøve fleire sortar for å finne ut om dei smakar ulikt?

Mat med gulrot

Gultrotsuppe

Aktivitet med gulrot

Når gulrota nesten er eten opp og det berre er toppen igjen (den delen som er øvst i jorda), prøv å legg denne i eit lite fat med vatn. Då vil det etterkvart vekse ut grøne blader frå gulrota.

Utvidelse av aktiviteten

Matlagingsaktivitetar er gode å bruke som ein utviding av aktiviteten.

Rammeplanen

Kapittel 9 Barnehagens fagområder - Natur, miljø og teknologi

Barnehagen skal leggje til rette for at barna kan få eit mangfald av naturopplevingar og få oppleve naturen som arena for leik og læring.
Barnehagen skal leggje til rette for at barna framleis skal vere nysgjerrige på naturvitskaplege fenomen, føle tilhøyrsle til naturen og gjere erfaringar med å bruke teknologi og reiskapar.

Barnehagen skal bidra til at barna:

får oppleve og utforske naturen og mangfaldet i naturen

Personalet skal:

• leggje til rette for mangfaldige naturopplevingar og bruke naturen som arena for leik, undring, utforsking og læring

gi barna tid og høve til å stille spørsmål, reflektere og lage eigne forklaringar på problemstillingar og til å delta i samtalar om det dei har erfart og opplevd
synleggjere naturfenomen og reflektere saman med barna om samanhengar i naturen

Kapittel 9 Barnehagens fagområder - Kropp, bevegelse, mat og helse

Barnehagen skal bidra til at barna:

får innsikt i kvar maten kjem frå, matproduksjon og vegen frå mat til måltid

Personalet skal:

leggje til rette for at måltid og matlaging bidreg til måltidsglede, deltaking, samtalar og fellesskapskjensle hos barna

Levert av

Naturfagsenteret, UiO

Forfatter

Unni Vik