forskerfrø.no blir drifta av Nasjonalt senter for naturfag i opplæringa
Kontakt oss: forskerfro@naturfagsenteret.no Ansvarleg redaktør: Merethe Frøyland
Personvernerklæring
Tilgjengelegheitserklæring
Forsøk og praktisk arbeid
Jakt på bokstavar og talsymbol
Omgivnadane og naturen er full av former som liknar på bokstavar og tal berre vi leitar litt, og barn er flinke til å leite og observere. Sprekkar i eit svaberg kan danne bokstaven A, og messinglav kan danne talet åtte.
Ta digitale bilde av former i naturen som liknar på bokstavar og tal.
Lag ein presentasjon av bilda i PowerPoint eller ein plakat med ei oversikt over bokstavane og tala. Det kan vere lurt å jobbe med dette prosjektet over tid, slik at de kan samle varierte motiv frå ulike stadar.
Motiva på bilda kan vere eit fint utgangspunkt for undring og samtalar om fenomen i naturen og kan kombinerast med bokstavinnlæring. Sprekkar i fjellet forma som ein bokstav kan for eksempel vere eit fint utgangspunkt for å snakke om frostsprenging. Eller kva med å finne ut kven som har laga dei grå spora på ospebladet? Eller kven det er som lagar spagettiliknande små haugar av sand på stranda? Det de finn ut kan det vere morosamt å lage ei historie ut av.
Rammeplanen
Materialer og utstyr
- Kamera
Levert av
Naturfagsenteret, UiO